“The Heroic Ones－HKDI Film Show 2017”
“The Heroic Ones－HKDI Film Show 2017”
(Chinese Version Only)
2017年6月20日
HKDI傳意設計及數碼媒體學系電影及電視兩年制高級文憑課程，於六月二十日（星期二）假知專設計學院VTC綜藝館舉行畢業作品展「戲蓋世The Heroic Ones－Film Show 2017」。本年度本校的畢業同學共製作了二十多齣短片，而該晚則播出其中六齣最具代表性的作品，分別為《開學》（董小慧導演）、《盡頭的微光》（林景俊導演）、《外賣仔》（蔡家航導演）、《圓點》（馬嘉聰導演）、《 Mancer》（陳俊逸導演）及《紙X父業》（賴維俊導演）。
當晚得到眾多電影界導演、監製、藝人等出席，向電影界的生力軍給與支持與肯定，包括藝人游學修、電影監製舒琪、電影《毒戒》導演劉國昌、《幸運是我》導演羅耀輝、《哪一天我們會飛》監製陳心遙、《救殭清道夫》導演甄栢榮、《救殭清道夫》導演兼樂隊ToNick主音趙善恒、《樹大招風》金像編劇麥天樞、《暗色天堂》導演袁劍偉、《大藍湖》導演曾翠珊、《十年》導演郭臻、《點對點》導演黃浩然、《寒戰II》編劇吳煒倫、《海報師》導演許思維、《末日派對》導演何康、著名作家陳慧，與及同樣畢業於香港知專設計學院，今年剛成為新晉導演的《今晚打喪屍》導演盧煒麟等等。
當晚放映會氣氛熱烈，台下一眾嘉賓與業內人士均湧躍於分享環節中，公開表示對一眾製作團隊的加許，而大會於放映會當中更即場宣佈，當晚其中兩齣作品《開學》（董小慧導演）及《盡頭的微光》（林景俊導演）已成功入圍「第13屆 InDPanda (熊貓) 國際電影節」，代表著此兩齣作品將會在下半年於香港的電影院中與更多的觀眾見面。
另外，今年在作品展舉行前，特別為業內朋友特別舉行一場別具意義的「原創劇本推介會」。六組本校的學生及畢業生，憑著九十後新生代的電影觸覺，分別撰寫了六個各具風格，片長超過九十分鐘的完整電影劇本。同學們在會內即場向各位推介自己的原創劇本，希望能夠在當中遇上伯樂，讓自己的故事最後能夠化成光與影，呈現於電影院之中。而會後，眾嘉賓均對此形式嶄新的推介會讚不絕口，不少導演均開始約見心儀的編劇同學作進一步的合作商討。著名電影監製舒琪先生更表示：「我覺得類似的發表會，其他院校也應該要考慮與鼓勵推行，讓同學不單止面向校內同學，還可以與業界、外界接觸，這樣對增加他們的信心，與掌握講故事的技巧，也是很大的學習機會。」
作品預告片段
眾嘉賓對「戲蓋世The Heroic Ones－Film Show 2017」之看法
舒琪：整體同學好努力，學生片永遠面對資源問題，同學都盡量做到最好。
游學修：意念上睇到創意同火花，睇到活力，希望佢地可以繼續發光發亮。
《大藍湖》導演曾翠珊：第一年出席HKDI放映 同學們好熱血 。睇到成個放映，睇到學校同同學都好用心，呢樣野係去到畢業放映會，好期望見到同學嘅， 同未出社會未被摧殘嘅純真嘅心，係好難得嘅。
《點對點》導演黃浩然： 我今年係第三年嚟HKDI睇佢地嘅grad show ，我要講係呢三年裏面，今年嘅作品係平均水平最高。六條style都好唔同 ，最好睇個一兩條係好精彩，事實上佢地有兩條已經比獨立影展揀左去播，我覺得係非常之難得。以一個兩年嘅course訓練到學生拍到接近職業水準，而且係有野講 你睇到佢地係好夠膽試！
《寒戰II》編劇吳煒倫：我舊年都有嚟睇，我覺得今年整體水平比舊年好。
《末日派對》導演何康：今年HKDI學生水平幾唔錯。
《救殭清道夫》導演趙善恒：睇左好多高水準作品，開心因為拍左好多高水準作品，係好有心嘅作品。
《今晚打喪屍》導演盧煒麟：八年前學生作品同依加比較係神速之多，無論技術同講故仔都好接近專業水平。
《今晚打喪屍》編劇吳兆麟：依加新畢業生，佢地都好似幾擔心畢完業之後就業出路情況 ，我覺得唔洗擔心，睇完之後我覺得佢地有資格係學界佔一席位，甚至係一啲比賽上面，有一啲作品係絕對有機會攞獎㖭。
關於作品《開學》（董小慧導演）
舒琪：《開學》個條印象好深，形式比較大膽，模擬紀錄片訪問，雖然誇張左現實但同我地嘅現實又好一致 。
《樹大招風》金像編劇麥天樞：有教育制度嘅中心想講，我覺得有趣嘅係用抗壓label變做考試 ，其實好諷刺，要考試pass 所謂標籤到抗壓到，我覺得呢個諷刺係有效。
《寒戰II》編劇吳煒倫：我最鍾意係《開學》，我feel到佢地成個製作團隊好知道要做咩，係技巧上佢地都幾超班。呢幾年我都有睇不同院校嘅畢業作品，開學係做得非常好，不但係劇本、導演、演員都好高水平。
《救殭清道夫》導演甄栢榮：我想特別讚一讚《開學》，其實係好heavy 好辛苦，但佢用左黑色幽默去處理，其實成個處理手法同完成度都好高，有一個好重嘅message，咁所以我幾鍾意呢條片，好深印象，睇完之後都好大唔開心。希望學生可以多啲發表自己 ，其實透過創作，透過拍片，係可以將自己message發表到出嚟。
關於作品《盡頭的微光》（林景俊導演）
《末日派對》導演何康：我推薦《盡頭的微光》，製作好認真，成個氣氛都唔錯，發掘左一啲新嘅景點，平時冇留意，大家可以留意下。
《今晚打喪屍》編劇吳兆麟：最鍾意《盡頭的微光》。野心同執行好完整，深層意思比較多。
《大藍湖》導演曾翠珊：我自己比較鍾意《盡頭的微光》，係好狹窄嘅空間，影像同演員演出係好深刻 。
《點對點》導演黃浩然：其中有一條《盡頭的微光》係係戰前防空洞拍，你諗到佢地係唔會有錢租發電車，你諗到佢地全部都係LED燈，係入面做到好多專業水準。
關於作品《圓點》（馬嘉聰導演）
《寒戰II》編劇吳煒倫：比較深印象係圓點，因為好少睇學生作品睇到咁有想像力，base on一件大家都感覺到比較實嘅事件，但佢用一個咁富想像力咁執行故仔，所以都深印象。
《末日派對》導演何康：圓點編劇同美術都做得好好，成條片念都幾新鮮。
關於「原創劇本推介會2017」
舒琪：劇本創作發表會，形式相當好，同學出到去都要面對好多呢啲pitching 。每個劇本prepare得好詳細 ，同學都好能夠掌握點吸引觀眾，好有條理同戲劇性咁突出故仔吸引人嘅地方 。
《救殭清道夫》導演甄栢榮：多謝邀請出席劇本會。頭先聽左六個劇本，學生可以寫完詳盡劇本係非常難得 。
《末日派對》導演何康：今年亦有一個導演分享會，等唔同業界嘅朋友，可以親自聽編劇講故事。呢樣野我都覺得值得繼續做落去嘅。
